Преминот на вегетаријанска исхрана, која подразбира откажување од месо и риба, позитивно влијае на здравјето на срцето...

Студијата која опфатила 44.500 луѓе во Англија и Шкотска утврдила дека вегетаријанците се изложени на 32% помал ризик да умрат од кардиоваскуларни болести, или да им биде потребно лекување порди проблеми со срцето.

Научниците сметаат дека позитивните последици по здравјето се резултат на разликата во нивото на холестерол, крвен притисок и телесна тежнина.

Масните наслаги во артериите го отежнуваат дотокот на крв до срцето, со што се нарушува одржувањето на срцевиот мускул. Тоа може да предизивка ангина или срцев удар доколку протокот на крв биде целосно блокиран.

Научници од Оксфорд анализирале податоци од 15.100 вегетаријанци и 29.400 луѓе кои јадат месо и риба. Во период од 11 години, 169 луѓе починале од срцеви заболувања, а 1.066 морале да се лекуваат во болница. Повеќето меѓу нив редовно конзумирале месо и риба.

Резултатите од истражувањето биле објавени во  "American journal of clinical nutrition".