Англија Хари Реднап ја отфрла можноста да го ангажира Раул Гонзалез но признава дека сака да го ангажира напаѓачот на Севиља, Луис Фабиано

Раул денеска ќе соопшти дека заминува од Реал Мадрид откако за 13 часот е закажана церемнија за збогување и се очекува напаѓачот да потврди дека ќе се пресели во Шалке.

Медиумите од Англија шпекулираа дека и Тотенхем се дел од екипите што посакуваат да го видат капитенот на Реал во своите редови но менаџерот на Спарс, Хари Реднап вели дека тие не можат да си го дозволат личните барања на напаѓачот.

“Раул е одличен фудбалер во Реал Мадрид, но мисалм дека тоа не е играчот што ние ќе го донесеме во Тотенхем.” – рече Реднап за Sky Sports News.

“Финансиски, мислам дека не можеме да направиме една таква зделка.”

“Ми се допаѓа Луис Фабиано. Имам и други цели, но ќе бидам лажго доколку кажам дека не го сакам, тој е топ фудбалер.”

Реднап е во потрага на неколку квалитетни фудбалери за засилување на тимот што оваа сезона ќе го има својот дебитантски настап во Лигата на Шампионите.

Тој додаде: “Потребни ни се тројца фудбалери и знам кој тројца фудбалери ни се потребни. Доколку можеме да ги ангажираме мислам дека ќе бидеме добри во новата сезона.”

“Сеуште пред нас има многу работа. Има неколку позииции каде што можеме да бидеме малку подобри.”

Powered by: 24 FUDBAL.com.mk