Англија | Дефанзивецот на Манчестер Јунајтед, Рио Фердинанд вели дека најважен во кариерата му е успехот на теренот, а не тоа колку пари ќе заработи...

34-годишниот Рио Фердинанд кој последните години често се мачи со повреди, ужива во богата кариера со трофеи во Манчестер Јунајтед.

Дефанзивецот пет пати се радуваше на трофеј во Премиерлигата и еднаш во Лигата на Шампионите.

„Луѓето зборуваат за пари и за сите работи околу фудбалот, но за мене, она што значи се победите" - вели Фердинанд.

„Не е важно колку пари имате, на крајот од кариерата, најмногу горди може да бидете на вашите достигнувања".

„Доколку сте освоиле трофеи и продолжувате да го правите тоа, тоа е она за што ќе се зборува".

„Не би седнал да зборувам за тоа колку пари имам. Би зборувал за добрите и тажни работи кои сме ги имале со тимот".

„Фудбалот е најважната работа. Во Манчестер Јунајтед победувањето дефинитивно е на врвот на агендата на сите".