Aвстралиската влада ги повика младите луѓе да не праќаат провокативни слики преку мобилните телефони, бидејќи тоа може да има многу "лоши и долгорочни последици".

Владата ја изрази својата загриженост за се повеќе растечката "културна појава", додавајќи уште дека, оваа навика стана традиција меѓу младите.

Според властите фактот што порнографски слики се снимаат на мобилните телефони или се шират преку интернет, значи дека тие се вечни. Поради тоа владата организира јавна онлајн кампања со образовна цел, која ќе ги научни младите на почит кон спротивниот пол.

Една неодамнешна студија откри дека, 15% од американските тинејџери помеѓу 12 и 17 години добивале голи фотографии на своите телефони од некого, кого го познаваат.