Производството на канабис во Европа се зголемува и освојува се поголем дел на пазарот во споредба со хашишот, кој главно се увезува, објави Европскиот опсерваториум за дрога и токсикоманија...

„Зголемувањето на одгледувањето канабис внатре во границите на Европа се повеќе е поврзано со насилството и криминалот“, предупредува агенцијата со седиште во Лисабон.

„Белгија, Данска, Холандија, Финска и Велика Британија забележаа значително зголемување на домашното производство на канабис во последните две децении“, се вели во извештајот.

Во две третини од Европа доминира консумирањето на канабис во облик на трева.

Според податоците на агенцијата, во Европа годишно се запленуваат околу 700 тони канабис и хашиш. Овој вид на дрога го пробале над 78 милиони Европејци.