Во Австралија една обична семејна прошетка по плажа со коњите за малку ќе се претворела во тешка трагедија. За среќа на луѓето и животните, сите преживеале.

Додека Никол Грем шетала со ќерките и коњите по плажата за малку паднала во кал до половина, додека еден од коњите пропаднал во грло. Ник успеала да се извлече, но не и нејзиниот коњ. Ситуацијата станувала се подраматична, затоа што се очекувало наближување на плимата, а Никол не сакала да го напушти животното.

Таа со Астра, кој тонел во калта, поминала цели три часа. „Како што поминуваше времето тоневме се повеќе и повеќе и навистина почнав да се плашам“, раскажа Никол.

За среќа, стигнале спасувачи кои за извлекување на коњот стар 18 години и тежок 500 килограми употребиле противпожарно црево и трактор, а го извлекле во последен момент пред плимата.

Иако спасувачите биле убедени дека коњот ја скршил ногата, поминал само со површински гребаници и воспалени мускули.