Интернет продавницата Amazon ќе лансира сопствен таблет компјутер во октомври оваа година, пишува Wall Street Journal не наведувајќи го изворот на инфромацијата, иако Amazon за сега нема најавено такви планови...

Таблет компјутерот ќе работи со оперативен систем Android, ќе има 9 инчен екран и за разлика од iPad-от нема да има вградена камера, а ќе го произведе една од азијските компании.

Цената на таблет компјутерот се уште не е позната, но се претпоставува дека благодарејќи на интеграцијата со продавницата Amazon ќе биде поевтин од сличните уреди на други произведувачи. Amazon, помеѓу другото, на идните сопственици ќе им нуди филмови, музика и книги.

Amazon управува со сопствена продавница со додатоци за платформата Android - Amazon Appstore, која е отворена во март. По бројот на брограми таа заостанува од Android Market, но поседува додатоци кои ги нема во „официјалната“ продавница.

За плановите Amazon да лансира сопствен таблет компјутер се дозна кон крајот на април, кога е објавено дека ќе ги произведува компанијата Samsung.

Изворот на Wall Street Journal исто така наведува дека Amazon кон крајот на летото и почетокот на есента ќе понуди два нови Kindle читачи, од кои едниот ќе биде со сензорен екран.