Ви звучи ли познато сценариото: на вечера сте со пријателките и чекате да ви се јави или да ви пише порака момчето по кое лудувате, но вашиот мобилен одеднаш ви дава знаци дека батеријата е празна и ве остава на цедило?...

Ова, или слична ситуација на сите им се има случено барем неколку пати, а уште полошо е кога, наместо момчето, во прашање е разговор за работа или некоја итна семејна ситуација.

За среќа, некој конечно измислил чанти во кои можат да се полнат батериите на мобилните, па со нив повеќе нема да мора да се грижиме дали нашиот телефон ќе се исклучи.

Чантите Everpurse во себе имаат полнач кој батеријата на мобилниот може да ја наполнат до 100% дури 2 пати, а бидејќи нивната цена е прилично висока (околу 300 долари), стручњаците сметаат дека на пазарот наскоро ќе се појават поевтини верзии од ова чанта.