Од неодамна па наваму во модниот простор се појави еден моден тренд кој е многу специјален...

Ако треба да користиме термин од светот на модата, ќе ви го претставиме како "пеплум" ако пак се служиме со нашиот асоциативен речник, тоа ќе го наречеме "корсет-лале".

Но, прво да објасниме зошто ваквиот тип облека со сет на половината се нарекуваат пеплум.

Трендот датира од пред илјадници години и во тоа можете да се уверите фрлајќи поглед врз хеленската облека. Освен како стилски, конструктивен елемент на старогрчката и римска облека, пеплумот се наоѓа и во шпанскиот национален костим, како и во моделите на облека од 19-тиот век.

Дизајнот се враќа во минатиот век, некаде во периодот помеѓу 30-тите и 50-тите години. Како негов најголем моќен воскресител е Диор кој создава револуционерна визија, наречена "New Look", со која нагласува еден од симболите на убавата женски фигура - половината.

Актуелниот тренд го гледаме на фустани, блузи, јакни. Моделите со сет на половината ги нагласуваат женските облини, а ги прикриваат недостатоците како што е стомакот, а ако половината не е добро изразена, наборот создава илузија на женска силуета.