Во близина на градот Струмица, претставува доцноримско термоминерално лекувалиште (Balneum) кое е подигнато во III и IV век.
Во бањата досега се откриени 11 простории со вкупна корисна површина од 623 метри квадратни. Ѕидовите се зачувани во висошина од 2 до 6,70 метри. Зачуваноста е најголема во просториите што служеле како сауна и базенот со ладна вода, наречен фригидариум. Во сите простории се зачувани подовите кои се изработувани од тули и малтер и почетните партии од сводните конструкции. Зачуван е и комплетниот систем на подното и ѕидното затоплување, а се зачувани и одводните и доводните канали. Со последните ископувања се пронајдени нови објекти во кои се откриени полихромни подни мозаици од средината на IV век.