Паметните луѓе со високи постигнувања се пољубоморни од луѓето со скромни достигнувања и тоа особено важи за жените, покажува американско истражување...

Научници од колеџот Роанок во Вирџинија откриле дека колку повисоки се оценките на учениците, толку тие се повеќе склони кон "Фејсбук љубомора" - љубомора, предизвикана од објавувањето или испраќање на пораки на социјалната мрежа на сексуалниот партнер.

Според истражувачите причината е дека луѓето со високи постигнувања се перфекционисти и кога мислат дека нивниот партнер ги мами, желбата за совршенство се нарушува.
Учесниците во истражувањето биле замолени да си претстават различни хипотетички Фејсбук сценарија, вклучувајќи дека гледаат двосмислена порака во социјалната мрежа на партнерот од човек од спротивниот пол како на пример "Што ќе правиш подоцна?".

Потоа тие биле запрашани како ќе се чувствуваат ако видат слична порака. Научниците истражувале дополнително дали чувството на љубомора се зголемува при употреба на смајли во комуникациите.

Резултатите покажале дека жените доживуваат посилни "Фејсбук љубомора" од мажите. Додавањето на смајли кое намигнува не го менува нивото на љубомора на жените, додека мажите пак стануваат љубоморни при употреба на смајли.

Потоа научниците ги споредиле резултатите со просечните оценки во училиште на учесниците. Овие од нив со високи средни оценки покажале повисоки нивоа на љубомора.