Секојдневно интернет користат се повеќе и повеќе луѓе, а за прв пат таа бројка скокна над 2 милијарди корисници...

Веб-страницата Internet World Stats неодамна ја едитираше својата база на податоци и „исфрли“ свежи бројки. За прв пат, вкупниот број на корисници на итнернет скокна над 2 милијарди луѓе. Според податоците од 31 март оваа година, проценето е дека 2.095,006.005 се служат со интернет.

Според новите податоци, вкупната корисничка база се зголеми за отприлика 480% во однос на 361 милион корисници кои со интернет се служеа кон крајот на 2000 година. Дури 44% од корисниците на интернет се лоцирани во Азија (992 милиони), а 22,7% (476 милиони) во Европа. Северна Америка има само 272 милиони корисници, а најголем процент од луѓето од вкупната популација кои употребуваат интернет, дури 78,3%.

Африка и понатаму е континентот со најмал процент на популација која користи интернет. Само 11,7% од жителите во Африка имаат пристап до интернет (119 милиони).