За да стопите неколку калории не мора само да вежбате, доволно е да бидете малку поактивни во секојдневниот живот. Еве неколку активности кои можат да ви помогнат...

Стојте исправено
Стоењето на нозе е исклучително едноставен и во исто време ефикасен начин да стопите неколку калории. Стоењето исправено претставува напрегање на мускулите на телото, прфлање на товарот, ротација на едно место...А сите овие активности бараат соодветна енергија. Значи, ако стоите право десетина минути секој час од работниот ден на крај ќе имате потрошено стотина калории дополнително.

Масирајте ја саканта личност
Можете да стопите стотина калории ако и направите масажа на саканата личност за дваесетина минути. Така освен задоволството што ќе го испорачате на својата партнерка, ќе изгорите и неколку калории во повеќе.

Пробајте нешто ново во кујната
Пробајте да зготвите нешто ново и вкусно и додека се трудите во сечење, рендање, пасирање итн. ќе стопите стотина калории. Внимавајте потоа да не ги вратите набрзина, откако ќе решите да уживате во резултатите од својот труд.

Прошетајте додека зборувате по телефон
Ако водите интересен разговор со ваша пријателка, обидете се да одите нагоре-надолу додека зборувате со неа и така ќе стопите стотина калории за време на разговорот. Може да ја пробате оваа опција и за време на телефонските разговори во канцеларија.

Играјте си со децата
Ако имате деца, може да се вклучите во нивните игри и после 20-тина минути калориите значително ќе се намалат, а и далеку е позабавно отколку да се измачувате на лентата за трчање во фитнес салата.