Според резултатите од најновото истражување, родителите сметаат дека традиционалните бајки се застрашувачки за нивните деца.

Со истражувањето е откриено дека еден од пет родители сметаат дека за нивните деца се подобри помодерните книги од класичните цртани филмови, каков што е на пример „Снежана и седумте џуџиња“.

Третина од испитаните родители рекле дека децата се расплачуваат кога ќе ги слушнат „морбидните“ детали од „Црвенкапа“. Речиси половина од мајките и татковците одбиваат на своите деца да им ја читаат бајката за ќерката на воденичарот и лошото џуџе Рамплстилскин, бидејќи темата на приказната е киднапирање и погубување.

Слични се резултатите од испрашувањето и за бајката „Златка и трите мечки“, која веројатно ќе остане на полицата, затоа што родителите сметаат дека го простува крадењето.

Истражувањето покажало дека 52% од родителите дека „Пепелашка“ не им праќа добра порака на нивните деца затоа што прикажува млада жена која цел ден работи домашни работи.

Истражувањето, кое опфатило 2.000 возрасни, нарачано е пред премиерата на американската хит драма „Грим“ на една британска телевизиска страница. Серијата засега има 11 епизоди, засновани на класичните бајки.